2008/12/23

أغار عليكى



يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه
المكان اللي هنا .. مليان ضحكات ، وأغاني !
والكلام اللي بغيت أقول .. يحتاج لـ سكينه !
شوفي الركن البعيد هناك .. كنه صدر حاني
هذا هو اللي يليق بـ شاعر وبنت حزينه !
أنسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!
عندي الليلة كلام وصمت .. وأخاف الثواني ..
تظلمه .. أو تظلم اللي فيه كم ضاعت سنينه
بس لازم تسمعين اللي أبي ولا تراني
لو بـ أعيده لك .. نسيت .. ورحت أقول اللي تبينه
شي واحد قبل ما أبدأ .. ما أبي أي شي ثاني
يخطر فـ بالك .. وأنا أكشف لك شعور تجهلينه !
إن أنا .. وبكل ما تحمله "أحبك" من معاني
كنت،وراح أبقى أحبك .. لين .. مدري وش هو لينه !!
بس والله ماقدرت أنسى .. ولا همي نساني ..
لا ذكرت إنسان .. فيه أسرار مابينك وبينه
كل ما تطري علي فكرة هواك الأولاني
أشعر إني أنطعن مليون مره من يدينه!
أشعر إن عيونك.. الله ما خلقها إلا عشاني !
كيف كانت تبتسم له؟!.. قولي إنك تخدعينه !!
صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت أدللـه .. حظي رماني..
بنفس الاسم اللي يقول .. بذمتك ماهي غبينه !؟
وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!
لا تظنيني أناني .. لا .. أنا مانيب أناني
لو سلمت من الغرق . بـ أموت في ظهر السفينه!
يا إني ما أكمل،وأعاني .. أو أكمل ثم أعاني..
كل ما اسمع طاري اسمه .. أو تجي عيني فـ عينه!
أيــنا كان الضحيه ؟.. وأينـــا اللي كان جاني ؟
مدري !.. ولكن قراري لازم إنك تقبلينه:
مثل ما أكره فكرة إنه واحد ياخذ مكاني
ما أقدر أجلس في مكان إنسان.. كنتي تعشقينه

" " " "
أعجبتنى هذه الكلمات فنقلتها لكم-ولا أدرى من الشاعر

10 comments:

خربشات منبعها الرووح يقول...

بس لازم تسمعين اللي أبي ولا تراني
لو بـ أعيده لك .. نسيت .. ورحت أقول اللي تبينه
:::


قووووس

اختيار ونقل موفق

ومـ رأق لكـ رأق لنا عزيزي


اشكرك

ودمت متألق

::

قوس قزح يقول...

الغالية خربشات
كلمات اعجبتنى بالشعر النبطى الشعبى
المعنى سهل و يصل للقلب بسهوله
سعيد إنه أعجبك
دمتى دائماً قريبة

للوش يقول...

قوس قزح

//
\\

كلمات رائعه وإحساس مفعم بالروعه

جمال روحك وعذوبة ونقاء وصفاء قلبك
أبدعتَ لنا باختيار هذه اللوحة الفنيه الرائعه

غرُبة رًوٍحْ يقول...

صح لسـآن شآعرهـآ / فهد المسآعد
وتسلم يمنـآك ع نقلهـآ

"

ذوق عـآلي يآشبيه المطر (:

مودتي


(F)

قوس قزح يقول...

الغالية للوش
أنا سعيد إنها اعجبتك أيضاً
كلنات تصل الى القلب كا السهم
كان ودى أعرف الشاعر
بس اليوم عرفته
ذوقك و إحساسك يجعلك تتفاعلين مع الكلمات
"
مرورك يسعدنى
وينثر زهور هنا وهناك
"
دمتى دائماً قريبة يا فراشة المرج

قوس قزح يقول...

العزيزة دائماً غربة روح
"
صح لسان الشاعر فهد المساعد
و صح لسانك
"
وشاكر لك على تعريف الشاعر
وهو غنى عن التعريف
ولكنى لم أدرى أن هذة القصيدة الرائعة له
:
كلمات أعجبتى و تأثرت بها
"
مرورك دفئ و عطر
دمتى مبدعة

princess-6yoob يقول...

كلمات رائـــعة راقت لي بشدة هذه القصيدة...

..أعجبني اندفاعه >> واصل حده
..وشكل حظه طايح ورايح فيها <<

قراره صعب في النهاية ويمكن من حقه...
ومافي أحد في الكون مهما كان يرضى أن يشارك شخص ثاني في القلب اللي حبه..
للرجل والمرأة على حد سواء..
>> بس المرأة أكثر
*ـ^

دمت بألف خــير..

قوس قزح يقول...

طيوبى
أنا راقت لى جداً
فيها صدق و إحساس و تلقائية
"
هى الآن له
وهى له
:
بس الرجل أنانى
يحبها بس من غير ذكريات
"
و المرأة أحياناً تكون أنانية
لا تحب أن يكون الرجل عرف أى واحدة قبلها
:
هو من حقه يغار عليها
بس لا يحاسبها على ماضيها
أحياناً يكون لا إرادة للأنسان فيها
شيء كتبه الله لها
:
عزيزتى
دمتى بمحبة وود

princess-6yoob يقول...

أخي العزيز,,,قوس قزح..

ليس المقصد بشيء يخص الماضي ولكن الوضع الحالي..

إذا كان هذا الشخص يشغل باله وفكره حب قديم فليس من المعقول أن يتقبل الشخص الآخر هذه الفكرة..

وحتى لو كان حب ينتسى فلابد ألا يحس الطرف الآخر بظهوره أمامه..

أما بالنسبة لأنانية الرجل والمرأة..

فليس من حق أي أحد منهما أن يحاسب الآخر على الماضي أو حتى أن يسأل فيه..
وأنا أعتبره من السطحية ودنو التفكير..

وشكرًا....ودي وتقديري..

قوس قزح يقول...

الغالية البرنسيسة
صحيح ما قلت و أنا أؤيدك 100فى المائة
الماضى ذهب مع الريح
gone with the wind
أما الحاضر هو الأمل والمستقبل
ولكن ممكن ان يكون حب الرجل للمرأة يجعله يغير عليها حتى من الماضى
"
وساوس و خيالات بشر
"
هناك نقطة هامة
يجب على الطرفين أن لا يحاول أحديهما أن يتذكر الماضى أو يلوح به . لا مزح ولا جد
دمتى دائماً قريبة هنا