2010/03/09

تعالى



يا رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه
المكان اللي هنا .. مليان ضحكات ، وأغاني !
والكلام اللي بغيت أقول .. يحتاج لـ سكينه !
شوفي الركن البعيد هناك .. كنه صدر حاني
هذا هو اللي يليق بـ شاعر وبنت حزينه !
أنسي الشارع ، وعتمات الزوايا، والمباني
هاتي يدينك نلف الغيم ونشكل مدينه !!
عندي الليلة كلام وصمت .. وأخاف الثواني ..
تظلمه .. أو تظلم اللي فيه كم ضاعت سنينه

بس لازم تسمعين اللي أبي ولا تراني
لو بـ أعيده لك .. نسيت .. ورحت أقول اللي تبينه
شي واحد قبل ما أبدأ .. ما أبي أي شي ثاني
يخطر فـ بالك .. وأنا أكشف لك شعور تجهلينه !
إن أنا .. وبكل ما تحمله "أحبك" من معاني
كنت،وراح أبقى أحبك .. لين .. مدري وش هو لينه !!
بس والله ماقدرت أنسى .. ولا همي نساني ..
لا ذكرت إنسان .. فيه أسرار مابينك وبينه
كل ما تطري علي فكرة هواك الأولاني
أشعر إني أنطعن مليون مره من يدينه!
أشعر إن عيونك.. الله ما خلقها إلا عشاني !
كيف كانت تبتسم له؟!.. قولي إنك تخدعينه !!
صورة إنه كان يمسح دمعك .. تزلزل كياني
وكيف كان يلم شعرك .. ويتبعثر في يمينه
حتى اسمك يوم رحت أدللـه .. حظي رماني..
بنفس الاسم اللي يقول .. بذمتك ماهي غبينه !؟
وكني اللي .. كل ما أناديك بالاسم الفلاني
أطلب النسيان .. يترك منه شي تذكرينه !!
لا تظنيني أناني .. لا .. أنا مانيب أناني
لو سلمت من الغرق . بـ أموت في ظهر السفينه
!
يا إني ما أكمل،وأعاني .. أو أكمل ثم أعاني..
كل ما اسمع طاري اسمه .. أو تجي عيني فـ عينه!
أيــنا كان الضحيه ؟.. وأينـــا اللي كان جاني ؟
مدري !.. ولكن قراري لازم إنك تقبلينه:
مثل ما أكره فكرة إنه واحد ياخذ مكاني
ما أقدر أجلس في مكان إنسان.. كنتي تعشقينه
فهد المساعد

8 comments:

للوش يقول...

فهد المسآعد..

يشدوآ بــ/ قصآئد تنبض ٌ إحسآس ..
تحكي عن وآقــع ..
إلقآئه عـذب .. شفآف .يٌلآمس الوجدآن ..!

قوس قزح

جمآل مآ أدلقتــَ هُنآ جعلتـْ ال قوآفي يتوهوا بِ عبق الإحسآس
ف كآن ال صمتــْ يلتفُ حول ال أنآملـْ ،
لِ هذآ ال بذخ الأنيق
بوست شِعري رآقي تمتعتــَ به ،
سلمـ ْ ذوقكـَ الأدبي ع رُقي ال طرح ، دمتــَ بكل خير "،

Om Hrooby يقول...

صدفة غريبة ..لما فتحت صفحتك كنت اسمع الأسرار لفهد المساعد ..اختيار موفق

rainbow يقول...

نعم يا للوش
أحب شعرة
وطريقة وصوله المباشر
يكون قريب جداً من القلب
تحيااات وود لك
يا أميرة الحرف

لطيفه. يقول...

قصيده جميله

لامست شي بداخلي

شكراً قوز قزح

وشكراً ايضا ع السؤال

(f)

rainbow يقول...

Om Hrooby
أكيد سوف تتقاطع وتتلاقى
الخيوط فى أكثر من زمان و مكان
مع امير الكلمة الشاعر فهد المساعد
والصدفة لا تخلق من عدم
و انا أؤمن بالميتافيزيكس
والتخاطر عن بعد
سعدت بوجودك

rainbow يقول...

أحساس طفلة
شكراً لتواجدك
سعيد إنها راقت لك
تحيااات وود

جليد الصمت يقول...

قوس قزح

انها الغيره التى تنخر قلب المحب وتدميه

وهى اصعب شئ فى الحب لها القدره على إحيائه او تدميره


اختيار رائع


مبدع كما العاده

دمت بخير


تحياتى

rainbow يقول...

جليد الصمت
اهلاً بك يا عزيزتى بعد غياب طويل
لابد من إحتفال اليوم
سعيد بعودتك